Om Hjorteviltregisteret

Jaktleiar eller den jaktleiaren delegerer oppgåva til, kan rapportere sette elg eller hjort på Hjorteviltregisteret eller via appen Sett og skutt. Sett elg eller hjort skal registrerast på jaktfeltnivå. Det er mogleg for fleire jegerar å registrere sette dyr på same jaktfelt same dag dersom ein ikkje jaktar som eit lag.

Jegeren kan rapportere felte hjortevilt og villsvin på Hjorteviltregisteret eller bruke appen Sett og skutt for elg, hjort, rådyr og villrein. Her kan jegeren òg registrere tilleggsopplysningar om det felte dyret, til dømes vekt og skrantesjuke-prøve. For villsvin kan jegeren se svar på innsendt trikin-prøve og få ferdig utfylt godgjøringsskjema som kan sendes Mattilsynet.

For rådyr og villrein registrerer jegeren eigne fellingar. For elg og hjort blir fellingane registrerte på jaktfeltet. Det er mogleg for fleire jegerar å registrere skotne dyr på same jaktfelt same dag dersom ein ikkje jaktar som eit lag.

Jegeren finn svar på skrantesjuke-prøven frå eige dyr i Hjorteviltregisteret og appen sett og skutt. For å få svar må dyret og prøven vere registrert med strekkoden frå merkelappen.

Ettersøkspersonell kan rapportere fallvilt direkte til Hjorteviltregisteret og kommunen via Fallvilt-appen.

Rettleiar: Rapportere fallvilt av hjortevilt med app

Fallvilt kan òg registrerast via Hjorteviltregisteret sine fallviltsider.

Kommunen eller ettersøkspersonell finn svar på skrantesjuke-prøven i Hjorteviltregisteret. For å få svar, må fallviltet vere korrekt registrert.

Fallviltåret følger jaktåret, og kommunen skal rapportere fallvilt til SSB via Hjorteviltregisteret innan første mai kvart år.

Alle fellingsløyver skal tildelast via Hjorteviltregisteret. Sjå hjorteviltforskrifta § 33. Dette sikrar eit best mogleg datagrunnlag for forvaltninga.

Rettleiar: Tildele fellingsløyve til elg, hjort og rådyr

Kommunen og villreinnemnda skal innan 30 dagar etter siste jaktdag rapportere dette til Statistisk sentralbyrå gjennom Hjorteviltregisteret. Sjå hjorteviltforskrifta § 32.

Kommunen skal registrere sett elg og hjort i Hjorteviltregisteret. Sjå hjorteviltforskrifta § 33.

Når jaktleiar leverer sett elg og hjort elektronisk, kjem data automatisk inn i Hjorteviltregisteret, og kommunen kan enkelt godkjenne desse.

Hjorteviltregisteret er eit verktøy for lagring av opplysningar om valds- og jaktfelt, og kven som er ansvarlege for desse områda. Her har kommunen og villreinnemnda òg oversyn over teljande areal. Nye vald kan opprettast.

Data over tal felte og sette dyr ligg tilgjengelege for alle. Ein kan sjølv velje kva område ein vil sjå data frå. Informasjon om mellom anna vekt, alder, og tal kalvar ligg òg tilgjengeleg.

Alle kan sjå kart over påkøyrde hjortevilt og eit utval andre artar frå heile landet. Tala bak kan òg hentast ut. Oversyn over anna fallvilt er òg tilgjengeleg.