Området representer kystsamfunna som har levd av kombinasjonen jordbruk, fiske og fangst her heilt frå like etter istida. Busetnaden ligg på strandflata langs sjøen, jordbruksarealet i karakteristisk teigblanding bakanfor og beitemarkene i lia opp mot fjellet. Fiskeværet i klynge ligg ute på ytste neset, og fleire bygningar er verneverdige. Alnes fyrstasjon er vedtaksfreda, og her vart det opna eit opplevingssenter i 2016. I dag er det sauedrift og grasproduksjon på sjølve Alneset. Den store naturbeitemarka i Alneslia er ei av dei viktigaste på ytterkysten i Møre og Romsdal, og kystlynghei oppe på fjellet, sanddyner, nordvendte kystberg og blokkmark er andre viktige naturtypeområde.
Fakta
Fylke
Møre og Romsdalen
Kommune
Giske
Jordbruksregion
Kysten fra Sør-Norge til Nordland
Områdetype
Kyst- og øylandskap med fiskevær og beitemarker