Landskapet ved Grøvuvassdraget er dramatisk, med stupbratte lier, fossar, djupe juv og elvegjel. Bak breie fjelldalar ligg fjellviddene med høge toppar. Fjellgardane har innmark opp til 800 meter over havet, og dei fem aktive bruka driv med sau, geit og storfe. Her er kalkrike og svært artsrike seterdalar med slåttemarker, naturbeitemarker og beiteskog. Fangstgraver, gamle hustufter og gravrøyser vitnar om bruk av området sidan steinalderen. Gardane og setrene har gamle, velhaldne bygningar av høg verdi. Ei seter er framleis i drift med mjølkekyr og produksjon av smør og ost. Delar av området er Åmotan-Grøvudalen landskapsvernområde, som grenser til Dovrefjell-Sunndalsfjella nasjonalpark.
Fakta
Fylke
Møre og Romsdal
Kommune
Sunndal
Jordbruksregion
Sør-Norges dal- og fjellbygder
Områdetype
Gårds- og seterlandskap ved Grøvuvassdraget
Areal
101 000 dekar