Søkje om bygging av landbruksveg

Bygging av nye vegar blir normalt handtert etter plan- og bygningslova. Bygging av landbruksvegar er eit unntak. Dette blir handtert etter landbruksvegforskrifta.

• Når den samla nytta av vegen som er knytt til landbruksverksemd er lik eller over 50 prosent, skal saka behandlast etter landbruksvegforskrifta og du kan bruke søknadsskjemaet på denne sida.
• Når den samla nytta av vegen som er knytt til landbruksverksemd, er mindre enn 50 prosent, skal saka behandlast etter plan- og bygningslova og du må ta kontakt med kommunen din for eige søknadsskjema.

For å rekne ut nytta kan du bruke nyttekalkulatoren (Excel). Du finn også meir informasjon på skogsvei.no.

For å regne ut lønnsomheten, bruk lønnsomhetskalkulatoren (Excel).

• Du må søkje om godkjenning for nybygging og ombygging av landbruksveg.
• Du kan ikkje starte tiltaket før du har fått løyve frå kommunen.
• Du treng ikkje søkje godkjenning for
  • opparbeiding av oppstillingsplass for landbruksmaskiner til bruk på eigedommen eller enkle avkøyrsler frå godkjende landbruksvegar
  • enkle og mellombelse driftevegar som berre fører med seg uvesentlege terrenginngrep
  • Uvesentlege terrenginngrep er planering med samla omfang på inntil 150 meter eller på areal mindre enn 450 m², der fylling/skjering ikkje fører til meir enn 1 meter avvik frå opphavleg terrengnivå.
  • Unntak er dersom tiltaket kan ha vesentleg negativ påverknad på naturmangfald, landskap, kulturminne, friluftsliv, omsyn til fare for flaum, erosjon og lausmasseskred, og andre interesser som blir påverka av vegframføringa. Då må du søkje godkjenning.

Til søknaden skal du leggje ved vedlegg. Vi tilrår at du har dette klart når du registrerer søknaden.

Bruk skjemaet Søknad om bygging av landbruksveg (LDIR-902) for å søkje. Dette gjeld dersom den samla nytta som er knytt til landbruksverksemd, er lik eller meir enn 50 %. Dersom nytta er mindre, tek du kontakt med kommunen din for å få eit eige skjema.

Søknadsfrist: kontinuerleg

• år, fylke og kommune
• kva regelverk tiltaket skal behandlast etter. Det vil seie at du skal fylle inn prosentvis nytte
• knytt til landbruksverksemd.
• kven som søkjer
• generelt om veitiltaket (berre permanente tiltak)
• spesifikk informasjon til tiltaket
• omsyn til miljøverdiar og andre interesser

I tillegg skal du leggje ved

• oversiktskart i målestokk 1 : 50 000
• kart i målestokk 1 : 5 000 eller 1 : 10 000 der du har markert

1. planlagd vegtrasé (broten raud strek) – merk eventuelle alternativ tydeleg (nummerer dei).
2. For mellombelse driftsvegar i skogbruket skal driftsområde markerast (broten blå strek).
3. dekningsområdet for den planlagde vegen/tiltaket (heiltrekt blå strek)
4. planlagde massetak i samband med tiltaket (ring inn med raud strek)
5. eksisterande vegar med verdi for dekningsområdet (heiltrekt svart strek)
6. bygging, offentleg infrastruktur og andre interesser som kan bli påverka av vegen/tiltaket (heiltrekt gul strek). Gjeld også om desse ligg unna sjølve vegen, til dømes dalbotnen.
7. Kjende miljøverdiar som kan bli påverka av bygging eller køyring på vegen, skal markerast på kartet, med tilvising til opplysningar på søknadsskjema (heiltrekt grøn strek).
8. Aktsemdsområde for jord- og flaumskred (Skrednett).
9. Marin grense og ev. identifiserte faresoner for kvikkleire (Skrednett).

Vedlegga skal leggjast ved søknad for permanente vegar, og søknad for mellombelse tiltak.

Send søknaden med vedlegg til kommunen, på e-post eller som brev i posten.

Om du får stadfesting på søknaden du har sendt inn, er avhengig av rutinane i kvar enkelt kommune.

Kommunen behandlar søknaden og gjer vedtak. Søknaden blir mellom anna vurdert etter miljørettslege prinsipp

• påverknad på naturmangfaldet av sjølve vegtraseen, med grøfter og vegskulder
• eventuelle nye massetak langs vegen

Når kommunen har fått søknaden, sjekkar dei opplysningane du har sendt inn. Dersom dei treng meir informasjon kan dei be om dette.

Du får svar på søknaden på e-post, normalt i løpet 3 veker etter at søknaden er motteken.

Du kan klage på vedtaket. Klaga sender du til kommunen. Statsforvaltaren vil behandle klagesaka dersom ikkje kommunen gjer om vedtaket.

Klagefrist: innan 3 veker etter motteke vedtak.

Omtrentleg tid for klagebehandling: normalt innan 4 veker.

Dersom du får løyve til å byggje ein landbruksveg, skal kommunen gjennomføre kontroll av veganlegget når det er fullført. Du pliktar å godta kontroll, gje nødvendige opplysningar og hjelpe til med å gjennomføre kontrollen.