Søke om kvotar for kosherslakta og halalslakta kjøt

• Del av kvote for kosherslakta kjøt
• Del av kvote for halalslakta kjøt

Vilkår

• Kvoteordninga gjeld rett til redusert tollavgiftssats, for ei gitt mengd varer, innanfor ein gitt tidsperiode.
• Kvotane omfattar halalkjøt og kosherkjøt som er slakta etter religiøse tradisjonar, der slaktemetoden ikkje er tillate i Noreg.
• Det skal bli søkt om ei bestemt mengd av ei gitt vare. Du må oppgi mengda du ønsker av kvoten når du sender inn søknad.
• Kvotane blir fordelt etter innkommande søknader i det elektroniske søknadssystemet. Landbruksdirektoratet kan fastsette minimums- og maksimumsdel av heile tollkvota ein kvotesøkar kan få tildelt per søknad, og også totalt per kvoteår.
• Viss den totale mengda det blir søkt om overstig tollkvota, blir mengda forholdsmessig avkorta mellom søkarane.

Dette bør du førebu

• Når du søker om del av kvota for kosherslakta eller halalslakta kjøt må du oppgi kva mengd du ønsker av ein angitt vare. Dette må du difor ha klart før du søker.

For å søke om ein del av kvota må du først søke opp den aktuelle kvota inne i søknadssystemet. Trykk på kvota og deretter trykk på «Søk om kvoteandel».

Søknaden må sendes via det elektroniske søknadssystemet. Vi tar ikkje imot søknader på e-post.

Landbruksdirektoratet får søknaden og behandlar den etter søknadsfristen har gått ut. Vi sjekkar opplysningane og ved behov kan vi be om meir informasjon.

Behandling

Landbruksdirektoratet behandlar søknaden og gjer vedtak.

Du får beskjed på e-post om at søknaden er ferdig behandla. Du må logge inn i søknadssystemet for å sjå sjølve vedtaket.

Klage

Du kan klage på vedtaket. Klagen blir sendt til Landbruksdirektoratet. Landbruks- og matdepartementet vil behandle klagesaka viss ikkje Landbruksdirektoratet gjer om vedtaket.

Les meir om retten til å klage i forvaltningslova kapittel VI. Du kan også be om å få sjå dokumenta i saka, jf. Forvaltningslova §§ 18 til 19.

Klagefrist: 3 veker.