Melde status om foredlings- eller formeiringsbesetning

Dersom du ønskjer å utrangere fleire avlspurker enn andre produsentar, må du melde status som foredlings- eller formeiringsbesetning.

• Dei ulike besetningstypane har ulike konsesjonsgrenser for utrangering av avlspurker. For foredlings- og formeiringsbesetningar er grensene høgare enn dei er for ordinære bruksbesetningar.
• For å kunne utrangere fleire avlspurker enn bruksbesetningane, er det viktig at du som driv foredlings- eller formeiringsbesetning melder frå om statusen til besetninga.
• Send meldinga til Landbruksdirektoratet, eventuelt til Fylkesmannen dersom du samtidig søkjer om mellombels konsesjon for utrangering av avlspurker.
• Du vil så bli oppført i registeret til direktoratet over foredlings- og formeiringsbesetningar.

Til meldinga skal du leggje ved kopi av kopi av avtale med avlsorganisasjon, eller kopi av avtale med avlsorganisasjon og slakteri. Vi tilrår at du har dette klart når du registrerer meldinga.

Bruk skjema Melding om status som foredlings- eller formeiringsbesetning (LDIR-818), for å melde.   

Hugs meldefristen som er i løpet av 2020. 

Dersom besetninga di blir foredlings- eller formeiringsbesetning seinare enn dette, må du melde frå innan utgangen av det året besetninga di får status som foredlings- eller formeiringsbesetning.

• kven som melder
• om meldinga gjeld foredlingsbesetning eller formeiringsbesetning    

 I tillegg skal du leggje ved vedlegg:

• foredlingsbesetningar skal leggje ved kopi av avtale med einavlsorganisasjon
• formeiringsbesetningar skal leggje ved kopi av avtale med avlsorganisasjon og slaktaren

Send meldinga med vedlegg til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 1450 Vika, N-0116 Oslo.

Landbruksdirektoratet har fått meldinga, får du stadfesting på e-post eller som brev i posten.

Dersom du søkjer om mellombels konsesjon i samband med overgangsperioden som gjeld i 2020–2024, sender du meldinga om status saman med søknaden om mellombels konsesjon.

Når direktoratet har fått meldinga og kontrollert at opplysningane stemmer, vil opplysningane bli lagde inn i registeret til direktoratet over foredlings- og formeiringsbesetningar. Du vil få ein e-post med stadfesting på dette. Dersom meldinga blir send inn saman med søknad om mellombels konsesjon, vil statsforvaltaren sende meldinga vidare til direktoratet når konsesjonssøknaden er behandla.

Alle svine- og fjørfeprodusentar kan bli tekne ut til kontroll, uavhengig av besetningstype. Du pliktar å godta kontroll, gje nødvendige opplysningar og hjelpe til med å gjennomføre kontrollen.

Ved produksjon over den konsesjonsfrie grensa eller innvilga konsesjon, må du betale erstatning for det talet på dyr som er produserte ulovleg. Det er likevel mogleg å overstige den konsesjonsfrie grensa, eller den innvilga konsesjonen med inntil 15 prosent eitt år, mot tilsvarande reduksjon i produksjon det påfølgjande året. Dette gjeld frå det året produksjonen går over den konsesjonsfrie grensa eller innvilga konsesjon. Dersom du produserer meir enn 15 prosent over grensa eitt år, må du betale erstatning for den prosentdelen som overstig 15 prosent.