Rapportere direktesal av egg

• Føretak som har selt egg utanom registrert eggpakkeri, skal rapportere salet. Dette gjeld føretak som har eggproduksjon frå meir enn 50 høner. Inkluderer sal av egg direkte til forbrukar, butikk, kafé, hotell eller liknande, og til pakkeri som ikkje er registrerte.
• Føretak skal betale omsetnings- og forskingsavgift for egg som er omsette direkte.
• Føretak i Vestland, Møre og Romsdal, Nordland og Troms og Finnmark får distriktstilskot for egg som er omsette direkte. Tilskotet blir trekt frå avgiftene.

• Den Stolte Hane AS
• Jonas H. Meling AS
• Toten Eggpakkeri AS
• Rias Pakkeri AS
• Nortura SA med avdeling Heimdal, avdeling Hå og avdeling Rakkestad.

Du bør ha ei oversikt frå rekneskapen som viser kor mange kilo egg som er omsette direkte fordelt på 1. og 2. halvår.  Det kan vere nødvendig med dokumentasjon av til dømes sjukdom i flokken eller tekniske problem.

Du får e-post med lenkje til digitalt rapporteringsskjema. Bruk av dette skjemaet krev innlogging via ID-porten. 

Rapporteringsfrist: Før 1. juni året etter at salet fann stad. 

Dersom du ikkje får e-post med rapporteringsskjema, skal du likevel rapportere.  Du kan bruke lenkja til skjemaet som ligg øvst på denne sida. 

• opplysningar om føretaket, namn, organisasjonsnummer og kommunenummer 
• informasjon om direktesal og leveransar fordelt på 1. og 2. halvår. Dersom du ikkje har hatt direktesal av egg, skal du fylle ut 0 og sende inn skjemaet. 
• forhold som har hatt innverknad på eggproduksjonen, til dømes førtidsslakting, sjukdom og driftsmessige problem  

Send inn skjemaet ved å trykkje på Send-knappen. Du må svare på alle spørsmål som er merkte med *, før du kan sende inn. Du vil få ei kvittering på at skjemaet er sendt inn. 

Når Landbruksdirektoratet har fått rapporten, sjekkar vi opplysningane du har sendt inn. Ved behov kan direktoratet be om meir informasjon.

Landbruksdirektoratet behandlar rapporten og gjer vedtak for tilskot. Direktoratet reknar ut omsetnings- og forskingsavgift, og eventuelt distriktstilskot. 

Rapporten kan bli teken ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tek lengre tid.

Du får faktura på omsetnings- og forskingsavgift på e-post eller som brev i posten.

Dersom du har fått distriktstilskot, blir avgiftene motrekna mot tilskotet. Dette vil seie at du ikkje får faktura dersom tilskotet er større enn avgiftene.

Du kan klage på vedtaket. Send klaga til Landbruksdirektoratet. Landbruks- og matdepartementet vil behandle klagesaka dersom ikkje Landbruksdirektoratet gjer om vedtaket.

Klagefrist: 3 veker.

Dersom det er gjort feil i utbetalingar, er gjort regelbrot eller du har gjeve feil opplysningar, kan Landbruksdirektoratet krevje tilbakebetaling og/eller avkorte distriktstilskot, og korrigere avgifter.