Tilskot til arbeidsretta kompetanseheving for pelsdyroppdrettarar

Du kan søkje tilskot til arbeidsretta kompetanseheving.

• Tilskot til arbeidsretta kompetanseheving skal bidra til at mottakaren kan gjennomføre nødvendig arbeidsretta kompetanseheving for å kunne få anna inntektsgjevande arbeid etter avvikling av hald av pelsdyr.
• Den som søkjer, må ha rett til kompensasjon etter forskrift om kompensasjon etter avvikling av hold av pelsdyr. 
• Den som søkjer, må anten vere pelsdyroppdrettar, ha særleg tilknyting til pelsdyrføretaket eller ha teke over ein landbrukseigedom der den tidlegare eigaren dreiv pelsdyrproduksjon 15. januar 2018 
• Ein annan person med særleg tilknyting til pelsdyrføretaket må ha samtykke frå pelsdyroppdrettaren for å kunne få tilskot til arbeidsretta kompetanseheving.  
• Kompetansehevingstiltaket må styrkje det høvet søkjaren har til å få varig inntektsgjevande arbeid.  

Til søknaden skal du leggje ved vedlegg. Vi tilrår å starte med dette i god tid før søknadsfristen.

Dersom du vurderer å søkje midlar til omstilling til eiga næringsverksemd, eller vidareutvikling av allereie eksisterande næringsverksemd, til dømes landbruksproduksjon eller tilleggsnæring på landbrukseigedom, har Innovasjon Noreg ei omstillingsordning for produsentar av pelsdyr.

For å søkje tilskot til arbeidsretta kompetanseheving, går du til skjemaet Tilskot til kompetanseheving for pelsdyroppdrettarar via Altinn for å søkje. Her blir du beden om å logge inn. Du finn informasjon om korleis du loggar inn på nettsidene til Altinn.   

Hugs søknadsfristen 31. august.

• kven som søkjer  
• kontonummer 
• opplysningar om pelsdyrproduksjonen  
• opplysningar om kompetansehevinga  

I tillegg skal du leggje ved   

• dokumentasjon på opphald i pelsdyrhaldet 15. januar 2018, dersom du har hatt opphald 
• dokumentasjon på aktivitetsforbod etter dyrevelferdslova av 19. juni 2009 § 33, dersom du har hatt aktivitetsforbod 
• dokumentasjon på utdanning, kurs og sertifikat du har før kompetanseheving er gjennomført
• konkret kostnadsoverslag på kompetansehevingstiltaket frå studiestaden 

Dersom du ikkje har høve til å søkje digitalt, kan du bruke skjemaet Søknad om tilskot til arbeidsretta kompetanseheving (LDIR-289).

Når du trykkjer «Send søknad», blir søknaden send til Landbruksdirektoratet automatisk. Du får stadfesting på skjermen når søknaden er levert, og kvittering på at søknaden er send, i innboksen din i Altinn.

Papirsøknad med vedlegg sender du til: Landbruksdirektoratet, Postboks 1450 Vika, N-0116 Oslo eller på e-post postmottak@landbruksdirektoratet.no

Når Landbruksdirektoratet har fått søknaden, vil han bli behandla når søknadsfristen er ute.

Landbruksdirektoratet behandlar søknaden når søknadsfristen er gått ut. Ved behov kan Landbruksdirektoratet be om meir informasjon.

Ved vurdering av kompetansehevingstiltak blir det lagt vekt på  

• i kva grad den aktuelle kompetansehevinga vil styrkje høvet til å få varig inntektsgjevande arbeid 
• om søkjaren har søkt på eller får andre former for offentleg støtte til arbeidsretta kompetanseheving 
• om søkjaren har høve til å få inntektsgjevande arbeid utan slik kompetanseheving

Søknaden kan bli teke ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tek lengre tid.

Har du søkt som privatperson, får du svar i den digitale postkassen din. Har du søkt på vegner av eit føretak, får du svar i innboksen i Altinn. Svar på papirsøknad blir sendt på e-post eller som brev i posten.

For å få tilskotet utbetalt må du be Landbruksdirektoratet om utbetaling. Du må dokumentere at vilkåra for å få tilskot er oppfylte. Landbruksdirektoratet vil betale ut tilskotet i samsvar med vedtaket.

Du kan klage på vedtaket. Send klaga til Landbruksdirektoratet. Landbruks- og matdepartementet vil behandle klagesaka dersom ikkje Landbruksdirektoratet gjer om vedtaket.     

Klagefrist: 3 veker 

Dersom det er gjort feil i utbetalingar, er gjort regelbrot eller du har gjeve feil opplysningar, kan Landbruksdirektoratet krevje tilbakebetaling og/eller avkorte tilskotet.