Tilskot til landbruksvikarverksemd

Avløysarlag/landbrukstenester kan søkje tilskot til landbruksvikarverksemd.

Landbruksdirektoratet fordeler tilskotsmidlane / kor mang landbruksvikarårsverk ein kan få tilskot til, mellom fylka.

Sats per årsverk: 325 000 kroner

• Avløysarlaget skal ved sjukdom og i krisesituasjonar tilby hjelp frå kvalifisert avløysar til føretak med husdyr- og planteproduksjon som fyller vilkåra for tilskot til avløysing ved sjukdom mv.
• Plikta avløysarlaget har til å yte hjelp, er avgrensa til 14 dagar per tilfelle.
• Dersom landbruksvikaren ikkje blir nytta i sjukdoms- eller krisesituasjonar, kan han eller ho brukast til anna avløysing.

Søknadsskjemaet inneheld felt for rapportering av landbruksvikarverksemda året før. Det krev litt førebuingar å finne alle opplysningane som skal fyllast ut. Vi tilrår å starte med dette i god tid før søknadsfristen.

Gå til skjemaet Tilskudd til landbruksvikarvirksomhet via Altinnfor å søkje. Her blir du beden om å logge inn. Du finn informasjon om korleis du loggar inn på nettsidene til Altinn.      

Søknadsfrist: 1. februar

Frist for å rapportere om landbruksvikarverksemda: 1. februar året etter søknadsfristen.

Det er eigne felt i søknadsskjemaet for denne rapporteringa.    

Søknadsopplysningar

• kor mange medlemmer avløysarlaget har
• tilskotsbeløp / talet på årsverk landbruksvikarar ein søkjer tilskot for
• ansvarsområde

• inntekter frå landbruksvikarverksemda
• kostnader som er knytte til landbruksvikarane
• administrasjonskostnader
• kor mange som utførte sjukdoms- eller kriseavløysing
• kor mange timar det blei utført sjukdoms- eller kriseavløysing
• kor mange føretak som fekk / ikkje fekk sjukdoms- eller kriseavløysing
• pris
• beredskap
• ansvarsområde

Når du trykkjer «Send skjema», blir søknaden/rapporten send til statsforvaltaren automatisk. 

Du får stadfesting på at søknaden er registrert, i innboksen i Altinn.

Når statsforvaltaren har fått søknaden, sjekkar dei opplysningane du har sendt inn. Dersom dei treng meir informasjon kan dei be om dette.

Statsforvaltaren behandlar søknaden og gjer vedtak.

Statsforvaltaren behandlar søknaden og fordeler tilskotet blant avløysarlaga/landbrukstenestene i fylket.

Ved fordeling av årsverka legg statsforvaltaren mellom anna vekt på

• husdyrtettleik
• reiseavstand
• kommunikasjon
• landbruksvikarverksemda i avløysarlaget tidlegare år

Statsforvaltaren kan velje å halde tilbake tilskotsmidlar og dele dei ut mot slutten av året.

Som tilskotsmottakar kan avløysarlaget bli teke ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen.

De får svar på søknaden i innboksen i Altinn, normalt innan utgangen av mars.

Får de tildelt tilskot, må de både rapportere statistikkopplysningar om landbruksvikarveksemda og førebelse rekneskapstal.

Rapporteringsfrist: 1. februar året etter.

Får de tilskot, blir pengane betalte ut i to omgangar.

• første halvpart: februar/mars
• andre utbetaling: juni/juli

Det er statsforvaltaren som betalar ut pengane.

Du kan klage på vedtaket. Send klaga til statsforvaltaren. Landbruksdirektoratet vil behandle klagesaka dersom ikkje statsforvaltaren omgjer vedtaket.      

Klagefrist: 3 veker 

Dersom det er gjort feil i utbetalingar, er gjort regelbrot eller du har gjeve feil opplysningar, kan statsforvaltaren og Landbruksdirektoratet krevje tilbakebetaling av for mykje utbetalt tilskot og/eller avkorte tilskotet. Det gjeld også dersom søknaden eller rapporteringa er send inn for seint.