Be om utbetaling for skogsveganlegg

Du kan be om 

• delutbetaling 
• sluttutbetaling 

• Rekneskapssamandraget skal brukast for utbetaling av kostnader og eventuelt tilskot for nybygging og ombygging av skogsveganlegg.    

Til rekneskapssamandraget skal du leggje ved ei rekneskapsbok med nummererte vedlegg av fakturaer/kvitteringar. Vi tilrår at du har dette klart når du fyller ut rekneskapssamandraget. 

Bruk skjemaet Rekneskapssamandrag for skogsveganlegg (LDIR-904).  

I skjemaet skal du registrere

• punkt 1: grunnopplysningar 
• punkt 2: arbeid/kostnadsart  

I tillegg skal du leggje ved:  

• Rekneskapsdagbok med nummererte vedlegg av fakturaer/kvitteringar.  

Du kan ikkje ta med utgifter til mellom anna vedlikehald, renter for lån av anleggskapital og innkjøp av maskiner. 

Merk! Det er kommunen som fyller inn punkt 3: revisjon og tilvising av tilskot.  

Send rekneskapssamandraget til kommunen på e-post eller i vanleg post.

Når kommunen har fått rekneskapssamandraget sjekkar dei opplysningane du har sendt inn. Dersom dei treng meir informasjon kan dei be om dette. 

Rekneskapen blir revidert av den skogbruksansvarlege og/eller revisoren i kommunen. Kommunen sender godkjende utgifter og eventuelt tilskot til Landbruksdirektoratet for utbetaling.

Du kan bli teken ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tek lengre tid.

Dersom oppmodinga blir godkjend, blir pengane automatisk overførte til konto. Det er Landbruksdirektoratet som utbetalar pengane.

Dersom det er gjort feil i utbetalingar, er gjort regelbrot eller du har gjeve feil opplysningar, kan Landbruksdirektoratet krevje tilbakebetaling og/eller avkorte tilskotet.