Melde om hogst i vernskog

• Vernskog er skog som er viktig som vern mot naturfarar, gjev vern mot vêr og vind for annan skog eller skog opp mot fjellet, ut mot havet eller langt mot nord som har vanskeleg for å forynge seg.
• For hogst i vernskog må du halde deg til regionale og lokale reglar og meldeplikt.
• Du må søkje til fristar som er fastsette av kommunen der skogen ligg, og du må opplyse om kvar, kor mykje og på kva måte du skal hogge, og korleis du vil sikre forynging etterpå.
• Du må halde deg til dei reglane for kva type godkjenning du må ha før du set i gang med hogsten.

Du finn informasjon om korleis du melder og eventuelle skjema på nettsidene til kommunen.

Det vil kome elektronisk sjølvbetent løysing i løpet av 2021.

Send meldinga til kommunen der vernskogen ligg.

Kommunen kan godkjenne hogst, gjere vedtak om hogstnekt eller setje vilkår for korleis hogsten skal utførast.

Meldinga kan bli teken ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tek lengre tid.

Det står i dei lokale reglane kva måte du blir informert om at meldinga er godkjend, på.

Du kan klage på vedtaket. Klaga sender du til kommunen. Statsforvaltaren vil behandle klagesaka dersom ikkje kommunen gjer om vedtaket.     

Klagefrist: 3 veker.

Omtrentleg tid for klagebehandling: 4 veker.