Dieđáhus siidaoasi jođiheaddjiovddasvástádusa sirdima birra
Go siidaoassi oažžu ođđa jođiheaddji, de galgá dát dieđihuvvot. Stáhtahálddašeaddji dárkkista ahte sirdin čuovvu eavttuid.
Gii sáhttá dieđihit sirdima?
Siidaoasi jođiheaddji sáhttá dieđihit siidaoasi jođiheaddjiovddasvástádusa sirdima birra.
Proseassa:
Ovdal go sáddet dieđáhusa
Oanehaččat ortnega birra
- Go siidaoassi oažžu ođđa jođiheaddji, de galgá dát dieđihuvvot.
- Sirdin sáhttá dáhpáhuvvat go
- ovddasvástádus sirdojuvvo mánáide, mánáidmánáide dahje eará olbmui geas lea vuoigatvuohta oažžut mearkka
- ođđa jođiheaddji lea válddálaš
- ođđa jođiheaddji lea searvan buot boazodoallobargguide ovttas ovddeš jođiheddjiin unnimusat golbma jagi
- ii leat ásahuvvon buohtalasti rekruterenoassi
- Buot eavttut galget leat devdojuvvon ovdal go sáhttá dohkkehit siidaoasi sirdima.
- Ovddeš jođiheaddjis lea ain vuoigatvuohta eaiggáduššat bohccuid siidaoasis.
Spiehkasteamit
Erenoamáš oktavuođain sáhttá Stáhtahálddašeaddji dohkkehit siidaoasi sirdima mánnái dahje mánáidmánnái, geat eai deavdde gáibádusaid. Dat mearkkaša ahte siidaoassi sáhttá sirdojuvvot mánnái dahje mánáidmánnái gii ii leat válddálaš, dahje gii ii leat searvan buot boazobargguide jođiheddjiin unnimusat golbma jagi.
Dieđáhusa deavdin
Skovvi
Váldde oktavuođa Stáhtahálddašeddjiin jearrat mo don galggat geavahit skovi, dahje sádde čálalaš dieđáhusa friddjateakstan poastan dahje e-poastan.
Dieđáhusas berre leat
- person- ja oktavuođadieđut olbmos gii sirdá, ja ođđa jođiheaddjis
- lea go ásahuvvon buohtalasti rekruterenoassi
- du čanastupmi jođiheaddjái
- lea go ođđa jođiheaddjis vuoigatvuohta merkii ja vuoigatvuohta eaiggáduššat bohccuid sámi boazodoalloguovllus
- lea go ođđa jođiheaddji searvan buot boazodoallobargguide ovttas duinna unnimusat golbma jagi
- čuvvot go siidaoasis doallobiergasat (barttat jna.) ja vejolaččat mat
- lea go ođđa jođiheaddji eará siidaoasi vásttolaš jođiheaddji
Dasa lassin sáhttet fylkkagielddas leat sierra gáibádusat ohcamuša sisdollui.
Sáddet dieđáhusa
Sádde dieđáhusa e-poastan dahje poastan iežat boazodoalloguovllu Stáhtahálddašeaddjái.
Lea ovttaskas Stáhtahálddašeaddji rutiinnaid duohken oaččut go don duođaštusa dasa ahte dieđáhus leat registrerejuvvon.
Dieđáhusa meannudeapmi
Vuostáiváldin
Go Stáhtahálddašeaddji oažžu dieđáhusa, de isket sii dieđuid maid don leat sádden. Jus dárbbašit eanet dieđuid, de sáhttet bivdit daid.
Meannudeapmi
Stáhtahálddašeaddji meannuda dieđáhusa formálalaš sirdingáibádusaid vuođul.
Vástádus
Vástádus
Don oaččut vástádusa dieđáhussii e-poastan dahje reiven.
Váidit
Sáhtát váidit mearrádusa. Váidda sáddejuvvo du boazodoalloguovllu Stáhtahálddašeaddjái. Eanadoallodirektoráhtta meannuda váiddaášši jus Stáhtahálddašeaddji ii rievdat mearrádusa. Boazodoallostivra dat mearrida váiddaáššis.
Váidináigemearri: 3 vahku maŋŋá go leat ožžon mearrádusa.
Dehálaš dáhtonat:
Ohcanáigemearri
jotkkolaš
