Kursagoluid refušuvdna

Don sáhtát ohcat refušuvnna 

• kurssaide 
• lasseoahpuide 
• mátkkiide ja orrumiidda mat gusket kurssaide ja lasseoahpuide. 

• Kursa dahje lasseoahppu galgá loktet ja/dahje ovdánahttit gelbbolašvuođa bargat bohccuiguin.   
• Boazoeaiggádis ferte leat sierra dohkkehuvvon mearka ja gullat siidaoassái dahje boazosearvái. 
• Jođiheaddjis siidaoasis masa ohcci gullá, ferte leat leamaš divatvuloš vuovdindienas bohccobiergovuovdimis iežas mearkkas, unnimusat 50 000 kr lád. haga. Gáibidus ii gusto jus siidaoassejođiheaddji deavdá eavttuid oažžut ásahandoarjaga dahje jus siidaoasi jođiheaddji(t) geat ohcet, devdet eavttuid oažžut ásahandoarjaga. 
• Sisaboahtogáibádus ii gusto jus ohcci dattetge deavdá eavttuid oažžut ásahandoarjaga. 

Ohcamuššii galggat bidjat mielddusin rehkega dahje guittiid. Mii ávžžuhat du leat ordnen daid go registreret ohcamuša. 

Boazodoalu ovdánahttinfoanda. 

Geavat skovi Søknad om refusjon av kursavgifter (LDIR-670), ohcat. 

Muitte ohcat maŋimusat 6 mánu maŋŋá go kursa loahpahuvvui. 

Skovvái galggat čállit 

• gii dat ohcá 
• kontonummara 
• dieđuid siidaoasi dahje boazosearvvi birra 
• dieđuid kurssa/lasseoahpu birra 
• deavddát go don eavttuid oažžut refušuvnna ja kurssa sisdoalu čilgehusa 
• goluid 

Dasa lassin galggat bidjat mielddusin relevánta mildosiid 

• kursadivada rehkega 
• guittiid mákson kursadivadis 
• guitte mátke- ja orrungoluin 

Sádde ohcamuša mildosiiguin Eanadoallodirektoráhttii e-poastan postmottak@landbruksdirektoratet.no, dahje poastan Landbruksdirektoratet, Postboks 56, 7701 Steinkjer. 

Go Eanadoallodirektoráhtta lea ožžon ohcamuša, de oaččut duođaštusa e-poastan dahje reiven poasttas ahte ohcamuš lea registrerejuvvon. 

Go Eanadoallodirektoráhtta lea ožžon ohcamuša, de iská direktoráhtta dieđuid maid don leat sádden. Jus direktoráhtta dárbbaša eanet dieđuid, de dat sáhttá bivdit daid.

Eanadoallodirektoráhtta meannuda ohcamuša ja dahká mearrádusa Boazodoalu Ovdánahttinfoandda delegerenválddi vuođul 

Ohcamuš sáhttá dárkkistuvvot.Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami. Dárkkisteamit sáhttet vihpadit áššemeannudeami. 

Don oaččut vástádusa ohcamuššii e-poastan dahje reiven.

Jus oaččut doarjaga,de ruhta automáhtalaččat biddjojuvvo kontui. Eanadoallodirektoráhtta dat máksá ruđa. 

Sáhtát váidit mearrádusa. Váidda sáddejuvvo Eanadoallodirektoráhttii. Boazodoalu Ovdánahttinfoanda ja Eanandoallo- ja biebmodepartemeanta meannudit váiddaášši jus Eanadoallodirektoráhtta ii rievdat mearrádusa.

Jus máksimis lea dahkkon boasttuvuohta, jus njuolggadusat leat rihkkojuvvon dahje jus don leat almmuhan boasttudieđuid, de sáhttá Eanadoallodirektoráhtta gáibidit ruovttoluotta máksit ja/dahje vuolidit doarjaga.