Veksthusføretak

Nei. Noregspris gjeld berre for hushalds forbruk i bustad og fritidsbustad. Ordninga blir regulert av lov om Norgespris og strømstønad til husholdninger, og blir administrert av nettselskapa.
   
Dersom du har eit målepunkt som både går til hushaldet og produksjonen i veksthus, og målepunktet er registrert som hushald i Elhub, skal du automatisk få straumstønad for opptil 5 000 kWt frå nettselskapet. Frå 1. oktober 2025 kan du alternativt velje å inngå avtale om Noregspris på målepunktet. Uavhengig av om du får vanleg straumstønad eller Noregspris frå nettselskapet, skal du ikkje føre opp straumforbruk og -utgifter som allereie blir omfatta av desse ordningane i søknaden. Grunnen til det er at hushaldsforbruk som er omfatta av ordningane for hushald, ikkje er omfatta av ordninga for landbruket.

For andre spørsmål om Noregspris, kan du kontakte det lokale nettselskapet ditt eller sjå nettsida til regjeringa. 
 

Veksthusføretak kan få støtte for straumutgifter knytt til «dyrking». Viss målepunktet både knyter seg til dyrking i veksthus og hushaldet, kan føretaket også få støtte til hushaldsforbruket som ikkje allereie er omfatta av ordningane for straumstønad eller Noregspris hos nettselskapet.

Straumutgifter til lager, pakkeri og foredling fell utanfor dyrkingsomgrepet, og veksthusføretak kan ikkje få støtte for desse straumutgiftene. Det same gjeld forbruk som blir nytta av eit anna føretak eller som gjeld anna næring. Viss føretaket har målepunkt som berre går til anna næring eller hushaldsforbruk, skal du ikkje leggje til dette/desse målepunkt(a) i søknaden. Viss delar av forbruket bak målepunktet går til noko som ikkje gir rett på støtte, må du trekkje frå talet på kWt som går til dette ved utfylling av forbruk i søknadsskjema, og trekkje frå kostnadene som knyter seg til dette forbruket.

Du skal oppgi straumforbruket og straumutgiftene på alle målepunkta som blir nytta til føretakets dyrking av vekstar. Viss du har eit felles målepunkt for dyrkinga og til hushaldet, skal du også oppgi straumforbruket og straumutgiftene til eventuelt hushaldsforbruk som ikkje allereie er omfatta av ordningane for straumstønad eller Noregspris hos nettselskapet. Straumforbruket oppgir du i talet på kilowattimar (kWt) som er brukt til dyrking og eventuelt hushaldsforbruk på målepunktet, for kvar månad du søkjer støtte. I tillegg oppgir du straumutgiftene (kr) du har hatt på målepunktet, for kvar månad du søkjer støtte. Du skal ikkje inkludere meirverdiavgift eller nettleige i straumutgiftene du oppgir. 

Du skal ikkje føre opp straumforbruk og straumutgifter som går til andre ting enn dyrking, eller til hushaldsforbruk som allereie er omfatta av ordningane for straumstønad eller Noregspris. Om du har eit målepunkt der delar av forbruket går til noko som ikkje gir rett på støtte, og du ikkje har undermålar som gir presise tal for dette forbruket, må du estimere kor mange kWt som går til dette. Når du fyller ut søknadsskjemaet må du trekkje frå forbruket og kostnadene som knyter seg til noko anna enn dyrking. Også hushaldsforbruk på målepunktet som allereie er omfatta av ordningane for straumstønad eller Noregspris hos nettselskapet skal du trekkje frå.

Døme: Dersom det samla talet kWt for éin månad på eitt av målepunkta dine er 10 000 kWt, og 3 000 av desse kWt går til noko som ikkje gir rett på støtte, skal du oppgi 7 000 kWt som straumforbruk i søknaden. Total straumpris på straumfakturaen kan til dømes vere 9 000 kr, med ein spotpris på 90 øre/kWt. Som kostnad på dette målepunktet skal du i dette dømet føre opp 6 300 kr (7 000 kWt * 90 øre/kWt / 100).

Om du også driv jordbruksproduksjon, og føretaket oppfyller vilkåra for støtte som jordbruksføretak, kan du i tillegg leggje inn straumforbruk og straumutgiftene for målepunkt med forbruk som går til jordbruksproduksjonen i veksthussøknaden. 

Viss føretaket har ein prissikringsavtale, skal du laste opp resultatet av sikringsavtalen som vedlegg til søknaden. Du skal ikkje inkludere resultatet av sikringsavtalen når du oppgir månadlege utgifter i søknaden. Det blir gjort av Landbruksdirektoratet under saksbehandlinga. I tillegg må du laste opp fakturaer for månadene du søkjer om støtte.

Døme på faktura til eit føretak med prissikring, og utfylling av straumforbruk og utgifter i søknadsskjemaet:

Det følgjer av straumstøtteforskrifta § 6 at støttebeløpet for produksjon i veksthus blir berekna på grunnlag av forbruk som er registrert på målepunkt som «tilhører» føretaket. At målepunktet må tilhøyre føretaket inneber at det må vere tilstrekkeleg tilknyting mellom føretakets veksthusproduksjon og målepunktet som blir oppgitt i søknaden om straumstøtte. I utgangspunktet vil det innebere at veksthusføretaket må vere nettkunde og eigar av målepunktet. Det er føretaket som står på fakturaen frå nettselskapet, som blir rekna som nettkunde. Landbruksdirektoratet føreset at føretaket tek dei nødvendige stega som er moglege å gjennomføre for å bli nettkunde. 

I nokre tilfelle vil det likevel ikkje vere mogleg for veksthusføretaket å bli nettkunde på målepunktet. Unntaksvis vil ein då konkret vurdere om det er ei tilstrekkeleg tilknyting mellom veksthusproduksjonen til føretaket og målepunktet, sjølv om føretaket ikkje er nettkunde. I slike tilfelle må føretaket kunne leggje fram dokumentasjon som viser at målepunktet har ei direkte kopling til produksjonen deira, og at det er fakturaen frå straumselskapet som er avgjerande for straumutgiftene føretaket har. Det inneber til dømes at eventuelle påslag utleigar tek i tillegg til føretakets straumutgifter fell utanfor det veksthusføretaket kan få straumstøtte for.

Dersom du ønskjer å leggje til nye målepunkt eller fjerne eksisterande målepunkt, eller gjere andre endringar etter at du har sendt inn søknad, må du trekkje søknaden din og levere ein ny søknad. Dette gjer du ved å logge deg inn på same måte som då du leverte søknad, og vel «Eg skal» og deretter «Trekk søknad». 

Søknadene blir fortløpande behandla, og vi baserer berekning av støtte på dei opplysningane som kjem fram av innsende søknadsskjema. Etter at søknadsfristen for perioden du har søkt om støtte er utgått, får du ikkje endra søknaden sjølv. Sjå spørsmålet nedanfor, «Kva skal eg gjere dersom eg ikkje fekk sendt inn søknad/endra søknaden innan fristen?».

Viss søknaden er ferdig behandla og du har fått vedtak, kan du ikkje gjere endringar i søknaden.

I utgangspunktet mistar du moglegheita til å få straumstøtte dersom fristen for å søkje/endre søknaden er gått ut eller dersom innsend søknad er ferdigbehandla. Landbruksdirektoratet kan likevel i «særlige tilfeller» gi dispensasjon/unntak frå ein frist. Vi minner om at du framleis må sende inn søknad for periodar der fristen ikkje er gått ut via nettsidene våre/Altinn.

For å søkje om dispensasjon ber vi om at du gjer følgjande:

• Send førespurnad/søknad til stromstotte@landbruksdirektoratet.no, eller per post til Landbruksdirektoratet, Postboks 56, 7701 Steinkjer. Opplys gjerne tydeleg om at det er ein dispensasjonssøknad.  
• Oppgi organisasjonsnummeret til føretaket.  
• Oppgi kva periode det blir ønskt å søkje om/få støtte for (som du ikkje kan søkje om via nettsidene våre/Altinn sidan fristen er gått ut).
• Oppgi årsaka til at det ikkje vart søkt innan fristen og legg ved eventuell dokumentasjon som stadfestar dette (t.d. ei legeerklæring). Vi ber deg grunngi dispensasjonssøknaden så godt som mogleg.  

Sensitive opplysningar må ikkje sendast per e-post, og eventuell dokumentasjon på fristoversitjinga som inneheld slike opplysningar kan sendast per post til Landbruksdirektoratet, Postboks 56, 7701 Steinkjer. Noter i dispensasjonssøknaden (e-posten) at dokumentasjon blir ettersendt per post.

Dispensasjonssøknader blir fortløpande behandla.

Straumstøtte til kvart enkelt veksthusføretak blir berekna etter følgjande formel frå og med januar 2026, jf. forskrifta § 6:

(dei faktiske kostnadene til føretaket per kWt – 77 øre per kWt eksklusive meirverdiavgift) * 0,80 * 1,25 * tal på kWt forbruk.

• Støtte blir berekna med grunnlag i føretakets faktiske straumkostnader. Nettleige og meirverdiavgift inngår ikkje i dei faktiske straumkostnadene.
• Alle målepunkta som tilhøyrer veksthusføretaket, og kor heile eller delar av straumforbruket går til dyrking av angitte vekstar, skal registrerast i søknaden.
• Føretaket får berre støtte dersom gjennomsnittlege faktiske straumutgifter overstig 77 øre per kWt per månad eksklusive meirverdiavgift (75 øre t.o.m. fjerde kvartal 2025, 73 øre t.o.m. fjerde kvartal 2024, og 70 øre t.o.m. fjerde kvartal 2023).
• Næringsdrivande kan få frådrag for inngåande mva. Som følgje av at meirverdiavgift blir teke i betraktning (verdien 1,25 i formelen), får føretaket i realiteten full dekning for dei faktiske kostnadene sine over 77 øre per kWt (75 øre t.o.m. fjerde kvartal 2025, 73 øre t.o.m. fjerde kvartal 2024, og 70 øre t.o.m. fjerde kvartal 2023).
• I dei tilfella der føretaket har ein prissikringsavtale, og denne har direkte betydning for føretakets faktiske straumkostnader, skal resultatet av avtalen leggjast ved søknaden. Resultatet vil takast omsyn til når faktiske straumkostnader blir berekna av Landbruksdirektoratet.
• Straumstøtta blir berekna med utgangspunkt i opplysningane føretaket oppgir i søknaden om straumkostnader per månad, straumforbruk per månad og eventuelle prissikringsavtalar. Ved ein eventuell kontroll, kan føretaket bli bede om å dokumentere dei oppgitte opplysningane.

Dersom du ønskjer å klage på eitt eller fleire av vedtaka våre, ber vi deg om å gjere følgjande:  

• Send skriftleg klage til stromstotte@landbruksdirektoratet.no, eller per post til Landbruksdirektoratet, Postboks 56, 7701 Steinkjer. Opplys gjerne tydeleg om at det er ei klage.  
• Oppgi organisasjonsnummeret til føretaket.  
• Oppgi kva vedtak du klagar på.  
• Oppgi kva målepunkt det gjeld.  
• Oppgi kvifor du klagar på vedtaket/vedtaka og legg ved eventuell dokumentasjon som kan vere relevant for oss når vi skal behandle klaga di (t.d. faktura ved feilaktig hushaldstrekk). Vi ber deg grunngi klaga så godt som mogleg.  

Sensitive opplysningar må ikkje sendast per e-post, og eventuell dokumentasjon som inneheld slike opplysningar kan sendast per post til Landbruksdirektoratet, Postboks 56, 7701 Steinkjer. Noter i klaga (e-posten) at dokumentasjon blir ettersendt per post. 
Vi minner om at klagefristen er tre veker frå du fekk vedtaksbrevet (som hovudregel datoen vedtaksbrevet er datert).  

Klager blir fortløpande behandla. Vi har i periodar stor sakspågang, og ber om forståing for at det kan ta noko tid å få klaga behandla. 

Kjem Landbruksdirektoratet til at vedtaket som er påklaga bør oppretthaldast (kjem til same resultat), vil klaga di sendast til Landbruks- og matdepartementet som klageinstans for endeleg behandling.