Det er strenge innreiserestriksjonar på grunn av covid-19-pandemien, og grøntnæringa har difor utfordringar med å få tak i arbeidskraft. For å bidra til å betre tilgangen, og for å kompensere for kostnadsauke knytt til opplæring, har regjeringa i revidert nasjonalbudsjett gjort framlegg om å løyve 40 millionar kroner til ei mellombels refusjonsordning som skal dekke opplæring for sesongarbeidarar i grøntnæringa. Det vert teke atterhald om at Stortinget sluttar seg til framlegget.
Nå når høyringsprosessen er sluttført, jobbar Landbruksdirektoratet med å ferdigstille elektronisk søknadsskjema. Det er Landbruksdirektoratet som skal fatte vedtak om tilskot.
Etter planen blir det mogleg å levere søknad om tilskot frå månadsskiftet mai/juni. Det kjem detaljert informasjon om ordninga og søknadsprosessen her på nettsidene til Landbruksdirektoratet 25. mai.
Forskrifta kan du lese her:
Midlertidig forskrift om tilskudd til opplæring av arbeidstakere i sesongbasert arbeid i grøntnæringen 14052021.pdf (pdf)