Landbruksdirektoratet mottok 32 søknadar til søknadsfristen 19. mars. Tildelinga av 2021-middel går til tiltak som best kunne vise til relevans og nytteverdi, sett opp mot utlysinga og føremålet med ordninga. Dette inneber mellom anna å ha ei god forankring i landbruksnæringa, og kunne vise til nasjonal nytteverdi og at tiltaka kan bidra til å nå dei landbrukspolitiske måla.
Følgjande ni aktørar har no fått klarsignal til å setje i gong med sine prosjekt:
| Prosjekteigar | Prosjekttittel | Tildeling (i kroner) |
|---|---|---|
| Norsk gartnerforbund Servicekontor | Arbeidsgiverkurs i landbruket | 474 000 |
| Hanen – næringsorganisasjonen for bygdeturisme, gardsmat og innlandsfiske | Fagbok om norsk sider | 350 000 |
| Vestland fylkeskommune Innovasjon og næringsutvikling | Gjere tilgjengeleg og revidere den nasjonale kompetansen innan mathandverk innhald, struktur og læringsmål innføringskurs | 600 000 |
| Norsk seterkultur | En bærekraftig norsk seterkultur på UNESCOs representative liste for immateriell kulturarv | 1 000 000 |
| Nome videregående skole, avd Søve | Utvikling av studieplan og prosess for godkjenning av Fagskole innen frukt og bær | 1 000 000 |
| Norges birøkterlag | Næringsbirøkt inn i fremtiden ved kompetanseløft | 813 750 |
| Animalia as | Sau360 - digital saueskole for nye og erfarne sauebønder | 750 000 |
| Stiftelsen Bondens marked Norge | Robust SmåskalaGrønt: Nasjonalt nettverks- og kompetansetilbud for markedshager i Norge | 1 800 000 |
| Nibio Tjøtta | Utvikling av fagskoleutdanningen Bærekraftige matopplevelser (BMO) | 500 000 |
| Innvilga totalt | 7 287 750 |
Neste moglegheit til å søkje om nasjonale tilretteleggingsmiddel vert etter planen til hausten, og gjeld tiltak med oppstart i 2022.
Følg med på nettsidane våre for informasjon om og utlysing av nasjonale tilretteleggingsmiddel.