Søkje om omdisponering av dyrka og dyrkbar jord

Søknader om omdisponering gjeld som regel mindre areal som bustad- eller hyttetomt.

Som dyrka jord reknar vi fulldyrka jord, overflatedyrka jord og innmarksbeite. Dyrkbar jord er areal som ved oppdyrking kan setjast i stand slik at dei vil halde krava til fulldyrka jord, og som held krava til klima og jordkvalitet for plantedyrking. Dette kan til dømes vere skogsmark, jorddekt fastmark og myr.

Det er ikkje kurant å få samtykke til omdisponering. Bakgrunnen for dette er mellom anna eit ønske om å ta vare på mest mogleg jordbruksareal med tanke på framtidig matproduksjon.

Omdisponering av jordbruksareal skal dessutan i størst mogleg grad følgje av kommunal plan.

Les meir om omdisponering

• Dyrka jord kan ikkje brukast til anna enn jordbruksproduksjon, utan samtykke.
• Dyrkbar jord må disponerast slik at det ikkje er til hinder for at arealet kan brukast til
• jordbruksproduksjon i framtida.
• Omdisponeringssamtykke blir berre gjeve i særlege tilfelle, etter ei samla vurdering.
• Omdisponering skal ta omsyn til godkjende planar etter plan- og bygningslova, drifts-
• eller miljømessige ulemper for landbruket i området, kulturlandskapet og om det gagnar samfunnet.
• Eit eventuelt løyve til omdisponering fell bort dersom arbeid for å bruke jorda til det
• aktuelle føremålet ikkje er sett i gang innan 3 år frå vedtaket er gjort.
• Departementet kan krevje at ulovlege anlegg eller byggverk blir fjerna.

Til søknaden skal du leggje ved kart eller skisse over eigedommane, der det arealet du ønskjer omdisponeringssamtykke til, er teikna inn. Vi tilrår at du har dette klart når du søkjer.

Det finst ikkje eit eige skjema for å søkje om omdisponering av dyrka og dyrkbar jord. For å søkje må du sende eit skriftleg fritekstbrev.

Søknadsfrist: kontinuerleg.

• kven som søkjer, og grunnopplysningar om eigedommen
• totalarealet til eigedommen, inkludert kor mykje av dette som høvesvis er fulldyrka jord, overflatedyrka jord / gjødsla beite, skog og anna areal
• når eigedommane har fleire teigar, må det gå fram korleis teigane ligg i forhold til kvarandre
• kva slags bygg som står på eigedommen
• planstatus for området som er omfatta av søknaden
• føremålet med omdisponeringa og kvifor du bør få samtykke
• eventuelle rettar som er knytte til eigedommen

I tillegg skal du leggje ved kart eller skisse for eigedommen, der arealet du ønskjer omdisponert, er teikna inn.

Send søknaden med vedlegg til kommunen der eigedommen ligg, på e-post eller som brev i posten.

Om du får stadfesting på søknaden du har sendt inn, er avhengig av rutinar hos kvar enkelt kommune. Dersom du ikkje får vedtak innan ein månad, skal kommunen orientere deg om saksbehandlingstida.

Når kommunen har fått søknaden, sjekkar dei opplysningane du har sendt inn. Dersom dei treng meir informasjon kan dei be om dette.

Kommunen behandlar søknaden og gjer vedtak.

Søknaden kan bli teke ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tek lengre tid.

Du får svar på søknaden i form av eit vedtaksbrev frå kommunen. Saksbehandlingstida i kommunen varierer, ta kontakt med kommunen din for å få svar på dette.

Du kan klage på vedtaket. Klaga sender du til kommunen. Dersom kommunen held fast ved vedtaket sitt, sender dei klaga med saksdokumenta til statsforvaltaren. Det er statsforvaltaren som behandlar klagesaka og gjer endeleg vedtak i klagesaka.

Klagefrist: 3 veker

Du må setje i gang arbeid med å nytte jorda til det aktuelle føremålet innan tre år etter at du har fått dispensasjon. Om du ikkje gjer det, fell dispensasjonen til omdisponering bort.