Sal av grunnkvote

Du kan søkje om å selje heile eller delar av grunnkvota di.

• Søknadsfristen er 1. august. Salet får verknad frå 1. januar etterfølgjande år. 
• Minst 40 prosent av den totale salsmengda må seljast til staten for kr 4,00 per liter. Det er også mogleg å selgje heile grunnkvota til staten.  
• Inntil 60 prosent av den totale salsmengda kan seljast til eigarar av landbrukseigedommar innanfor same produksjonsregion til den prisen kjøparen og seljaren avtalar. 
• Alle medeigarar må samtykkje til salget. 
• Alle som har tinglyste pengehefte i eigedommen (panthavarar) må samtykkje i salet. 

Den digitale søknadsløysinga hentar fram og viser eventuelle panthavarar og medeigarar frå grunnboka. Dei enkelte panthavarane eller medeigarane kan samtykkje digitalt eller på papirskjema.  

Digital samtykkjeførespurnad blir send automatisk til Altinn-innboksen til panthavaren eller medeigaren når du sender inn søknaden. Det er ein fordel om du på førehand har avklart om dei vil samtykkje, og om dei kan samtykkje digitalt.  

Dersom panthavaren eller medeigaren skal samtykkje på papirskjema, må du bruke skjemaet som er fastsett av Landbruksdirektoratet. Skjemaet finn du i steget for medeigarar og panthavarar i den digitale søknaden.

Logg inn på tjenesten kvoteordningen for melk via Altinn for å søkje. Du finner informasjon om hvordan du logger inn på nettsidene til Altinn. 

I søknaden skal du fylle ut 

• kommune-, gards- og bruksnummer til privat kjøpar 
• liter per privat kjøper  
• liter til staten  
• samtykkje frå panthavarar 
• samtykkje frå medeigarar 

Når du har sendt inn søknaden, får du ei kvittering i innboksen din i Altinn.  

Hugs at ditt kontonummer må legges inn i Landbruksregisteret

Det er ditt ansvar å følgje opp digitale samtykkeførespurnader. Dersom Landbruksdirektoratet ikkje får svar på samtykkeførespurnadene innan 15. august, kan søknaden bli avvist. 

Landbruksdirektoratet behandlar søknaden så snart som råd. Søknaden kan gå til behandling etter at nødvendige samtykke er komne inn, sjølv om søknadsfristen ikkje er gått ut. 

Landbruksdirektoratet sender ut vedtak til innboksen din i Altinn, eller i posten dersom du har reservert deg mot digital kommunikasjon med det offentlege.

Landbruksdirektoratet betalar ut kompensasjonsbeløpet for kvotemengda du ønskjer å selje til staten i januar.