Boazodolliid árrapenšuvdna

Don sáhtát ohcat

• Árrapenšuvnna siidaoasi jođiheaddjái (ovttaolbmopenšuvdna)
• Árrapenšuvnna siidaoasi jođiheaddjái ja náittos-/ássanguoibmái (guovtteolbmopenšuvdna)

• Árrapenšuvdnaortnet galgá álkidahttit buolvasirdima boazodoalus sidjiide, geain váldooassi dietnasis lea leamaš boazodoalus.
• Jus galgá árrapenšuvnna oažžut, de galgá ohccis leamaš siidaoassi ja bargan bohccuiguin unnimusat maŋemus 15 jagi.
• Jođiheaddji galgá deavdán 57 jagi jus galgá oažžut ovttaolbmopenšuvnna.
• Náittos-/ássanguoibmi galgá deavdán 57 jagi jus galgaba oažžut guovtteolbmopenšuvnna.
• Oktasaš referánsadienas/ealáhusdienas galgá (gaskamearálaččat) leat unnimusat 45 000 ruvnno.
• Referánsaboahtu galgá leat unnimusat 50 % iežas (ja náittos-/ássanguoimmi) oktasaš dietnasis.
• Náittos-/ássanguoimmi eará boahtu galgá leat unnit go 80 000 ruvnno jus galgá oažžut guovtti geavaheaddjái penšuvnna.
• Máksin ii sáhte leat eambbo go ovddeš siidaoasi jođiheaddji ja vejolaččat náittos-/ássanguoimmi oktasaš referánsaboađu.
• Lea eaktun ahte siidaoassi sirdojuvvo dahje heaittihuvvo.
• Ohcci galgá čállán vuollai ahte ii álggat fas boazodoalu.
• Ohcci ii sáhte oažžut nuppástuhttinbálkká, heaittihanbálkká dahje lonistan siidaoasi ja das ožžon lotnundoarjaga.

Árrapenšuvnna ii oaččo áigodagaid ovddas go lea ožžon bargonávccahisvuođaoaddju, čielggadanruđa dahje leaskapenšuvnna álbmotoaddjus.

Ohcamuššii galget mildosat. Mii ávžžuhit ahte dat leat garvás go registreret ohcama.

Geavat skovi Árrapenšuvdna boazodolliide (LDIR-658) ohcat.

Ohcanáigemearri: jotkkolaš

• Persovdnadieđuid
• Dieđuid áiggut go ovttaolbmo- vai guovtteolbmopenšuvnna
• Ozat go árrapenšuvnna vai árrapenšuvdnii lohpádusa ovdagihtii
• Iešguđetlágan dieđuid siidaoasi birra
• Dieđuid dietnasa ja vearu birra ovttaolbmo- dahje guovtteolbmopenšuvdnii
• Dieđut penšuvnnaid birra
• Dieđuid stáhtahálddašeaddjis

Dasa lassin galggat mielddusin bidjat

• Duođaštuvvon litnega maŋemus viđa jagi ovddas mat galget leat mielde referánsaáigodagas
• Vearrokoartta
• Čálalaš cealkámuš ahte ohcci ii álggat fas boazodoalu
•  Duođaštus stáhtahálddašeaddjis ahte bohccot leat sirdojuvvon
• Duođaštus ahte bohccot leat njuvvojuvvon
• Ealáhusdieđáhusa

Sádde ohcamuša mildosiiguin stáhtahálddašeaddjái du boazodoalloguovllus.

Iešguđetge stáhtahálddašeddjiin soitet iešguđetlágan vuogit máhcahit duođaštusa ahte leat sádden ohcama.

Go stáhtahálddašeaddji lea ožžon ohcamuša, de sii isket dieđuid maid leat addán. Jus sii dárbbašit eambbo dieđuid, de sii sáhttet daid bivdit oažžut.

Stáhtahálddašeaddji árvvoštallá ohcamuša ja addá evttohusa áššis, ja de sáddejit Eanandoallodirektoráhttii geat váldet loahpalaš mearrádusa.

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkkin čađahit dárkkisteami. Dárkkisteapmi sáhttá maŋidit áššemeannudeami.

Vástádus boahtá e-poasttas dahje boasttas.

Ruhta boahtá automáhtalaččat kontui jus dutnje juolluduvvo ahkepenšuvdna. Ahkepenšuvdna mákso mánnosaččat. Eanandoallodirektoráhtta dat máksá penšuvnna.

Don sáhtát váidit mearrádusa. Váidaga galgá sáddet Eanandoallodirektoráhttii. Eanandoallo- ja biebmodepartemeantta meannuda váidaga jus Eanandoallodirektoráhtta ii rievdat áššemearrádusa.

Váidináigemearri: 3 vahkku

Jus lea boastut máksojuvvon, jus lea rihkkon njuolggadusaid dahje lea addán boasttudieđuid, de sáhttá Eanandoallodirektoráhtta gáibidit ruovttoluotta máksit ja/dahje unnidit doarjaga.

Jus dilálašvuohta rievdá nu ahte du vuoigatvuohta ahkepenšuvdnii váikkuhuvvo dahje vuoigatvuohta olles penšuvdnii váikkuhuvvo, dalle galggat váldit oktavuođa stáhtahálddašeddjiin.