Doarjja ealli bohccuid ja bohccogorudiid geaseheapmái

Sáhttá ohcat doarjaga  

• ealli bohccuid geaseheapmái gárddis dohkkehuvvon njuovahahkii 
• bohccogorudiid geaseheapmái njuovahagas muohkadanrusttegii.  

• Doarjja galgá leat mielde dássemin bohccobiergohatti boazodolliide iešguđet orohagain ja boazoservviin, beavttálmahttimin njuovvama ja bohccobiergovuovdima ja eanet njuovvama ovdal go ealuin johtá čakča- ja dálveorohagaide.  
• Ealli bohccuid ferte leat geasehan gaskal borgemánu 15.b. ja juovlamánu 31.b.   
• Bohccogorudiid ferte leat geasehan gaskal borgemánu 15.b. ja njukčamánu 31.b.   
• Boazu ferte leat geasehuvvon unnimusat 50 kilomehtera, juogo gárddis dohkkehuvvon njuovahahkii, dahje dohkkehuvvon njuovahagas muohkandanrusttegii.  
• Boazu ferte leat njuvvojuvvon dohkkehuvvon norgga njuovahagain, mat devdet daid raporterengáibádusaid mat leat gustovaš láhkaásahusas njuvvon bohcco raporterema ja rájusmearis.  
• Ealli bohccuid galgá geasehit lagamus njuovahahkii mii sáhttá váldit daid vuostá.  
• Ealli bohccuid geaseheamis ferte geaseheaddji ja fievru leat dohkkehuvvon dakkár geaseheapmái.   
• Ii addo doarjja geasehit bohccuid mat leat njuvvon olgoriikkas.   

Ohcamuššii galggat bidjat mildosiid. Mii ávžžuhat du daid ohcat gárvásit go registreregoađát ohcamuša. 

Geavat skovi Refusjonskrav - frakt av reinslakt/levende rein (LDIR-660) go ozat.

Muitte ohcat ovdal mánnomolsuma dan mánus go bohccot geasehuvvojedje.  

• gii dat ohcá  
• kontonummar  
• goas ja gos lea njuovvan  
• masa ozat ja galle bohcco ovddas  
• vuođuštus dasa ahte geaseheapmi lagamus njuovahahkii ii lean dohkálaš 
• lea go dat njuovahat ožžon sierralobi raporterenáigemearis  

Dasa lassin galggat bidjat mielddusin  

• geasehanreivve  
• duođaštusa lagamus njuovahagas ahte sis ii lean kapasitehta njuovvat geasehanáigge  
• duođaštusa dohkkehuvvon njuovahagas ahte sii leat njuovvan bohccuid  
• duođaštusa muohkadanrusttegis ahte sii leat ožžon gorudiid  
• guittet mákson geaseheamis. Dát ii gusto dalle jus dii lehpet ieža geasehan bohccuid 

Buot mildosat galget leat sáddejuvvon ohcamuša mielde ovdal ohcanáigemeari.

Sádde ohcamuša mildosiiguin Eanadoallodirektoráhttii e-poastan postmottak@landbruksdirektoratet.no, dahje Landbruksdirektoratet, Postboks 1450 Vika, 0116 Oslo.   

Go Eanadoallodirektoráhtta lea ožžon ohcamuša, de oaččut duođaštusa e-poastan dahje reiven poasttas.  

Go Eanadoallodirektoráhtta lea ožžon ohcamuša, de iská direktoráhtta dieđuid maid don leat sádden. Jus direktoráhtta dárbbaša eanet dieđuid, de dat bivdá daid.

Eanadoallodirektoráhtta meannuda ohcamuša ja dahká doarjjamearrádusa. Buot bohccot, maidda lea ohccon doarjja, dárkkistuvvojit njuovvanraportta ektui gustovaš áigodagas.

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami. Dárkkisteamit sáhttet vihpadit áššemeannudeami.

Don oaččut vástádusa ohcamuššii e-poastan dahje reiven 3 vahku siste maŋŋá go mii leat ožžon ohcamuša.

Jus oaččut doarjaga, de ruhta automáhtalaččat biddjo kontui. Eanadoallodirektoráhtta dat máksá ruđa.

Sáhtát váidit mearrádusa. Váidda sáddejuvvo Eanadoallodirektoráhttii. Eanadoallo-ja biebmodepartemeanta meannuda váiddaášši jus Eanadoallodirektoráhtta ii rievdat mearrádusa.

Váidináigemearri: 3 vahku das rájes go mearrádusdiehtu joavddai dutnje.

Jus máksimis lea dahkkon boasttuvuohta, jus njuolggadusat leat rihkkojuvvon dahje jus don leat almmuhan boasttudieđuid, de sáhttá Eanadoallodirektoráhtta gáibidit ruovttoluotta máksit ja/dahje vuolidit doarjaga.