Jordleigeundersøkinga 2024

Tabellen under viser indeksert utvikling i jordleigeprisane frå 2023 til 2024. Indeksen er rekna ut med utgangspunkt i middelverdiane for god jord, og basisåret er 2000 (2000=100). Landbruksdirektoratet sine årlege undersøkingar viser altså at det er potetjord som har stige mest i pris, relativt sett, sidan år 2000.

Se tallgrunnlag for tabellen og tidligere år

Figuren under viser indeksert prisutvikling frå 2010 til 2024.

Normalt er det større endringar i gjennomsnittsprisane regionvis enn på landsbasis. Særleg for andre produksjonar enn korn og gras kan det være få kommunepriser som inngår i den regionale snittprisen. Regionprisen er difor sårbar for endringar frå år til år.

Prisane er oppgitt i kroner per dekar.

Prisen for jord til grasdyrking held seg omtrent stabil i årets undersøking. Gjennomsnittsprisen ligg på same nivå som han har gjort sidan 2017, med unnatak av ein relativt høg pris i 2020 som truleg hadde samanheng med datagrunnlaget det året. I årets undersøking er det 8 fleire kommunar som har oppgjeve prisar på jord til gras enn i 2023.

Figuren under viser regionale gjennomsnittsprisar på leige av jord til grasproduksjon frå 2020 til 2024.

Tallgrunnlag og historiske tall

I Rogaland har gjennomsnittsprisen stige med 52 kroner per dekar det siste året. Prisene har stige vesentleg i nokre kommunar i fylket, og elles er dei stabile. Også i Trøndelag har prisene stige, men der tilbake til nivået dei låg på mellom 2020 og 2022. Elles er det berre mindre endringar i tala.

Det er stor geografisk variasjon i etterspurnad etter grasareal. I enkelte kommunar kostar det over 1000 kroner per daa å leige jord på gode areal, medan slike areal vert leigd ut utan vederlag andre stader. Mange stader er det god nok betaling i seg sjølv at jorda vert heldt i hevd, eller ein betalar med andre tenester som drenering/grøfting, gjerdehald, brøyting, kjøt eller ved.

Prisane er oppgitt i kroner per dekar.

Gjennomsnittsprisane på jord til korndyrking har auka på Austlandet og i Trøndelag, medan dei har gått ned i andre regionar. Det er i desse to regionane her storparten av matkornproduksjonen går føre seg. Prisauken i desse områda kan ha samanheng med at det har vore auka interesse for og støtte til å dyrke matkorn dei siste åra.

Figuren under viser regionale gjennomsnittsprisar på leige av jord til kornproduksjon frå 2020 til 2024.

Tallgrunnlag og historiske tall

I regionen Vestfold og Telemark og Agder er gjennomsnittsprisen ganske stabil, men har gått ned dei siste to åra. I Rogaland var det ei stor prisauke i 2022, som truleg hadde samanheng med datagrunnlaget. Det stabile prisnivået ein ser i undersøkingane dei siste åra er truleg meir presist, sjølv om datagrunnlaget her berre består av ei handfull kommunar. I regionen Vestlandet er det berre tre kommunar i Møre og Romsdal som har rapportert leigeprisar på kornjord.

Prisane er oppgitt i kroner per dekar.

På landsbasis har gjennomsnittsprisen for jord til grønsak- og bærdyrking falle svakt i fleire år etter eit toppunkt i 2019. I 2024 gjekk prisen ned med ca. 1 prosent frå fjoråret. 

På regionalt nivå er det enkelte vesentlege endringar. Generelt er variasjonen frå år til år i dei regionale snittprisane på grønsaksjord større enn på gras og korn, fordi det er færre kommunar som rapporterer prisar. Endringa er størst i Trøndelag. Her gjekk snittprisen ned fordi fleire av kommunane som rapporterte pris på grønsaksjord i 2023, ikkje har gjort det i år. Resultata for Austlandet varierer kraftig, men snittprisen har gått litt ned.  

Figuren under viser regionale gjennomsnittsprisar på leige av jord til grønsak- og bærproduksjon frå 2020 til 2024.

Tallgrunnlag og historiske tall

Prisane er oppgitt i kroner per dekar.

Til liks med prisane for grønsaker og bær varierer snittprisane for leige av jord til potetproduksjon mykje frå år til år på grunn av få observasjonar. I 2024 har mengda svar auka frå 77 til 81. Gjennomsnittsprisen nasjonalt har auka med 8 kroner per dekar, men det er variasjonar mellom regionane.

I Trøndelag steig snittprisen ned med 144 kroner per dekar i 2023. Årsaka var først og fremst ei ny svarkommune med eit høgt prisnivå. I år har han gått ned igjen med 152 kroner per dekar.  Vi vurderer prisnivået i regionen i 2024 som meir presist, etter samtaler med dei aktuelle kommunane. I alle dei andre regionane unnateken Rogaland har prisane auka, men endringane er små. I regionen Vestlandet har berre to kommunar rapportert prisar på leigejord til potetdyrking.

Figuren under viser regionale gjennomsnittsprisar på leige av jord til potetproduksjon frå 2020 til 2024.

Tallgrunnlag og historiske tall

Tabellen under viser gjennomsnittsprisar på leige av jord til innmarksbeite og utmarksbeite i kroner per dekar i 2024, fordelt på geografiske område.

Prisane er oppgitt i kroner per dekar.

Gjennomsnittsprisen for innmarksbeite har auka med 4 kroner per dekar. Mengda svar har totalt auka frå 221 til 246, så datagrunnlaget er forbetra betydeleg, og truverdet til resultata er styrkt. Det er i år, som i fjor, regionale forskjellar i utviklinga på innmarksbeite. Medan prisen har auka på Austlandet, Rogaland og Nord-Noreg, har han sokke i dei tre andre regionane. Spesielt i Rogaland har han auka, men der har mengda svar til gjengjeld også auka. 

Gjennomsnittsprisen på utmarksbeite har gått ned med 6 kroner per dekar. Den totale mengda svar var i år på 123. Det vanlegaste er at areala vert leigd ut vederlagsfritt, nokon stader mot andre gjenytingar, til dømes gjerdehald. Medan det i fjor var fleire kommunar der ein betalte to- og tresifra prisar per dekar, er det færre av dei i år, som truleg har påverka snittet. Igjen skil Rogaland seg ut, med ei kraftig nedgang i forhold til fjoråret.   Det kjem truleg av at ei kommune som låg på tresifra priser i fjor ikkje har sendt inn tal på utmarksbeite i år, samt at dei nye kommunane har låge prisar.

Figuren under viser regionale gjennomsnittsprisar på leige av jord til innmarksbeite frå 2020 til 2024.

Tallgrunnlag og historiske tall