Doarjja ásahit oahppan- ja fuolahusvuđot bálvalusaid

Sáhttá juolluduvvot doarjja dárbbašlaš doaibmabijuide maiguin ohcci sáhttá fállat oahppan- ja fuolahusvuđot bálvalusaid boazodoalus. 

Dása gullet earret eará 

• oahppomátkkit fálliide geat leat jo ásahan oahppan- ja fuolahusvuđot bálvalusaid 
• pedagogalaš bagadallan 
• kursa vuosttašveahkis, dearvvašvuođas, birrasis ja sihkkarvuođas, biebmohygienas ja njoammudávddaid eastadeamis ja sámi kulturgaskkusteamis 
• čoahkkimat bálvalusa vejolaš ostiiguin 
• márkanfievrrideapmi ja vuovdin, dása gullá ruovttusiidu 

Son gii ohcá galgá 

• leat oahppan- ja fuolahusvuđot bálvalusaid álggahandásis boazodoalus 
• galgá leat čađahan dahje galgá čađahit kurssa vuosttašveahkis, dearvvašvuođas, birrasis ja sihkkarvuođas, biebmohygienas ja njoammudávddaid eastadeamis ja sámi kulturgaskkusteamis 
• bidjat ovdan gávpeplána mas aŋkke leat dát 
  • guđe báikkis, gielddas ja orohagas áigu bálvalusa fállat 
  • bajilgovva doaimmain mat plánejuvvojit 
  • maidda geavaheaddjijoavkkuide háliida láhčit fálaldaga 
  • geat sáhttet oastit bálvalusa 
  • ruhtadanplána 
  • eará bealit main lea mearkkašupmi ohcamuššii 

Ohcamuššii galggat bidjat mildosiid. Mii ávžžuhat du leat ordnen daid go registreret ohcamuša.

Boazodoalu ovdánahttinfoanda. 

Geavat skovi Søknad om tilskudd ved etablering av lærings og omsorgsbaserte tjenester i reindriften (LDIR-671), go ozat.    

Muitte ohcanáigemeari čakčamánu 1.b.  

• gii dat ohcá 
• kontonummara 
• gávpeplána 
• maidda doaibmabijuide don ozat doarjaga 
• bušeterejuvvon goluid 
• dáhtona, báikki ja vuolláičállaga 

Dasa lassin galggat bidjat mielddusin 

• duođaštusa čađahuvvon kurssas, vejolaččat goas áigu čađahit kurssa 
• duođaštusa goluide go leat čađahan kurssa, vejolaččat meroštallat goluid go áigu váldit kurssa 
• kursafálaldagaid plánejuvvon kurssas 
• duođaštusa čađahuvvon ja plánejuvvon čoahkkimiiguin ja oahppomátkkiiguin 
• šiehtadusaid oahppan- ja fuolahusvuđot bálvalusaid ostiiguin 
• eará áigeguovdilis dokumentašuvnnaid 

Sádde ohcamuša mildosiiguin Eanadoallodirektoráhttii e-poastan postmottak@landbruksdirektoratet.no, dahje poastan Postboks 1450 Vika, N-0116 Oslo.     

Go Eanadoallodirektoráhtta lea ožžon ohcamuša, de oaččut duođaštusa e-poastan dahje reiven.   

Go Eanadoallodirektoráhtta lea ožžon ohcamuša, de iská direktoráhtta dieđuid maid don leat sádden. Jus direktoráhtta dárbbaša eanet dieđuid, de dat sáhttá bivdit daid. 

Eanadoallodirektoráhtta meannuda ohcamuša ja dahká loahpalaš mearrádusa. 

Ohcamuš sáhttá dárkkistuvvot. Don leat geatnegahtton dohkkehit dárkkisteami, addit dárbbašlaš dieđuid ja veahkehit čađahit dárkkisteami. Dárkkisteamit sáhttet vihpadit áššemeannudeami. 

Don oaččut vástádusa ohcamuššii e-poastan dahje reiven, dábálaččat 3–4 vahku maŋŋá go mii leat ožžon ohcamuša.

50 proseantta doarjagis máksojuvvo go ohcamuš mieđihuvvo. Loahppadoarjja mákso go rehketdoallu ja dokumentašuvnnat leat sáddejuvvon ja dohkkehuvvon. Don fertet sáddet dan Eanadoallodirektoráhttii maŋimusat 3 mánu maŋŋá go doaibmabidju čađahuvvui.  

Eanadoallodirektoráhtta dat máksá ruđa.   

Áigemearri sáddet rehketdoalu: Maŋimusat 3 mánu maŋŋá čađaheami 

Sáhtát váidit mearrádusa. Váidda sáddejuvvo Eanadoallodirektoráhttii. Eanadoallo- ja biebmodepartemeanta meannuda váiddaášši jus Eanadoallodirektoráhtta ii rievdat mearrádusa.              

Váidináigemearri: 3 vahku. 

Váiddameannudeami meroštallon áigi: dábálaččat 3–4 vahku siste.   

Jus máksimis lea dahkkon boasttuvuohta, jus njuolggadusat leat rihkkojuvvon dahje jus don leat almmuhan boasttudieđuid, de sáhttá Eanadoallodirektoráhtta gáibidit ruovttoluotta máksit ja/dahje vuolidit doarjaga.  

Geavatkeahtes, juolluduvvon doarjja máksojuvvo ruovttoluotta Boazodoalu ovdánahttinfondii.