Eigenerklære konsesjonsfri overtaking av eigedom

Konsesjon er eit løyve frå kommunen som er nødvendig for å ta over ein eigedom. Konsesjonsplikta gjeld i utgangspunktet både hus, landbrukseigedom, ikkje utbygde tomter og andre areal.

Skal du ta over ein eigedom som er konsesjonspliktig, må du søkje konsesjon for erverv av fast eigedom.

Dei fleste eigedomsoverdragingar er konsesjonsfrie sidan det er gjort mange unntak frå konsesjonsplikt i konsesjonslova. Det vil seie at du ikkje må søkje om konsesjon. Skal du ta over ein konsesjonsfri eigedom, sender du i staden eigenerklæring for å stadfeste denne konsesjonsfridommen.

Les meir om konsesjon på eigedom

• utbygd eigedom mindre enn 100 dekar, og med mindre enn 35 dekar fulldyrka eller overflatedyrka jord
• tomter til bustad- og fritidsføremål
• ikkje utbygd areal til anna enn landbruksføremål
• overtaking frå nær familie
• når den som tek over har odelsrett

Det kan finnast vilkår som må oppfyllast for at du kan ta over eigedommen konsesjonsfritt. Det gjeld til dømes krav om buplikt på visse eigedommar eller etter kommunale nullgrenseforskrifter. Desse krava må stadfestast i eit eigenerklæringsskjema.

Forskrift om nedsett konsesjonsgrense (nullgrenseforskrift)

Nokre kommunar har ei nullgrenseforskrift. Dette er lokale reglar som gjer at det er buplikt på eigedommen. Grunnen til at ein har slike lokale reglar, er at ein ønskjer å hindre at eigedommar som bør brukast til heilårsbustad, blir brukte til fritidsføremål. Skal du ta over ein eigedom der kommunen har nullgrenseforskrift, brukar du som regel dette eigenerklæringsskjemaet.

Eigenerklæring i kommunar med nedsett konsesjonsgrense

Oversikt over kommunar med nullgrenseforskrift

Buplikt

Buplikt tyder at nokon må bu på eigedommen. Buplikta kan vere personleg eller upersonleg. Personleg buplikt tyder at eigaren må bu der sjølv. Ved upersonleg buplikt kan andre enn eigaren bu der.

Les meir om buplikt

• Eigenerklæring om konsesjonsfrihet ved erverv av fast eiendom mv. (LDIR-360)
• Eigenerklæring om konsesjonsfridom i kommunar med nedsett konsesjonsgrense (LDIR-356)

• ny eigar (ervervar) av eigedommen
• grunnopplysningar om eigedommen
• konsesjonsfridomsgrunn (typen eigedom eller slektskapsunntaket m.m.) og
• aksept for påfølgjande vilkår
• signatur av ny eigar og dato

Er det fleire som tek over eigedommen saman (sameigarar), må kvar enkelt fylle ut kvart sitt skjema.

I skjemaet finn du rettleiing om korleis det skal fyllast ut.

Send eigenerklæringa til kommunen der eigedommen ligg. Om du får stadfesting på eigenerklæringa du har sendt inn er, avhengig av rutinar i kvar enkelt kommune.

Når kommunen har fått eigenerklæringa, sjekkar dei opplysningane du har sendt inn. Dersom dei treng meir informasjon kan dei be om dette.

Det er kommunen der eigedommen ligg, som behandlar eigenerklæringa og kontrollerer om ervervet tilfredsstiller krava til bruk av eigenerklæring om konsesjonsfridom.

Eigenerklæringa kan bli teken ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen.

Du får tilbakemelding på eigenerklæringa etter at kommunen har kontrollert om ervervet er konsesjonsfritt. Når kommunen finn at ervervet er konsesjonsfritt, registrerer dei opplysningane om dette i matrikkelen. Du kan då sende skøytet til tinglysing hos Kartverket.

Du kan ikkje klage på at kommunen eventuelt ikkje godtek eigenerklæringa di. I staden må du søkje konsesjon. Dersom du eventuelt er ueinig med kommunen om konsesjonsspørsmålet, blir dette behandla i samband med konsesjonssøknaden.